Sunday, March 21, 2010

MAXIMO MIGIKAN NA PAINGON SA US

Published in BANAT Newspaper March 20, 2010 Saturday issue
by Yoyo Abayan, Sports Editor

CEBU, Philippines - Mibiya na niadtong adlaw ang batan-ong si Luis Miguel "Igi" Maximo uban sa iyang amahan nga si Jonathan aron moapil og lumba sa dagan ug sa biseklita didto sa Estados Unidos.

Ang 14-anyos nga si Igi sayong mihuman sa final exams sa PAREF-Springdale aron makaapas sa L.A. Marathon didto sa Dodger Stadium sa L.A. karong Marso 20.

Bisan pa, si Igi modagan sa 5K event aron iyang maamgo ang Estados Unidos ug sa cross-training sa dili pa siya mosalmot og mga racing competition sa Redlands karong petsa 27 ug sa Los Angeles sa petsa 28.

Si Igi nadayon paglarga ngadto sa US tungod sa suporta ni Christina Reynes, ang Sugbuana nga atua na nagpuyo sa Culver City, California.

Si Reynes usa ka duathlete ug nahigayonan niya nag pagbasa sa on-line news bahin sa US trip ni Igi ug gidapit niya sa pag-apil sa lumba didto sa Estados Unidos, samtang ang OZ Racing ni Zandro Fajardo mohatag ni Igi og competition jerseys, Bib shorts, training jersey, arm warmers, shoe covers ug bike bags alang sa iyang mountain ug road bikes. - BANAT NEWS

No comments: