Click to enlarge
by Lemuel P. Maglinte, Staff Writer
Yoya Abayan, Sports Editor
CEBU, Philippines - Sukdon na karon kun asa kutob ang nakat-onan sa batan-ong cycling sensation Luis Miguel 'Igi' Maximo didto sa Estados Unidos sa dihang mosuway kini'g sakmit sa grandslam title sa juniors division sa “Tour ni Clark” didto sa Clark Freeport Zone sa Pampanga.
Uban sa Team Max1mo, si Igimax mosalmot og duha ka events nga naglakip sa 10.6-kilometer individual time trial (ITT) ug ang 38 kilometros circuit race.
Ang award winning sportsman nga si Jonathan 'Maxi' Maximo, ang amahan ni Igimax mipadayag sa daku niyang pagsalig sa iyang anak, apan giklaro niya nga dili kini sayon tungod kay pulos mga tang-ang cyclists ang magtigi.
Kompiyansa hinuon, si Jonathan nga andam si Igimax nga makiglumba karong adlawa human usab sa grabeng exposure niini sa miaging LA Marathon diin mipahiluna siya sa ika-14 ug Redlands Bicycle Classics didto sa California diin mipahiluna siya sa ika-21 nga dapit.
Gawas sa iyang pagsalmot didto sa Estados Unidos, grabeng training usab ang giagian ni Igimax dinhi sa Sugbu. Si Igimax misalmot sa Danao City Triathlon ug Uling Road Race didto sa Naga. – BANAT NEWS
No comments:
Post a Comment