SUGBUANONG SEKLISTA MOLUMBA SA AMERIKA

ICAMAX MISAKMIT SA 18-UNDER TITLESA CEBU CRITERIUM

MGA SUGBUANON MISALIDA OG MAAYO SA BOHOL CYCLING

ICAMAX MIHAKOT TULO KA MEDALYA SA PNG CYCLING

ICA MAXIMO MIHATOD UG MEDALYA

CEBUANO STUDENT-ATHLETES MISIDLAK SA IRONMAN

"ICAMAX" MOAPIL SA DANAO LEG SA TRIATHLON SERIES

Published in Banat Newspaper on June 24, 2012 Sunday issue
by Yoyo Abayan, Sports Editor

Ang 12-anyos nga si Ana Patricia "Ica" Maximo sa Cebu-YKKBikes.com, usa sa mopakita'g aksiyon sa 3rd leg sa Congressman Red Durano Triathlon Series karong adlawa didto sa Sand Beach Resort.

Ang Danao leg naglatid sa sprint, mini-sprint ug duathlon.  Ang sprint mokober og 750m swim, 20K bike ug 5K run, samtang ang duathlon adunay 2.5K run, 20K bike ug laing 2.5K run.

Si Icamax, grade 7 student sa Sacred Heart School-Hijas de Jesus mopakita'g aksiyon ubos sa mini-sprint.

Ang batan-ong Sugbuana mosuway pag-uswag sa iyang oras atol sa Leg 1 series niadtong Mayo 27 didto sa Carmen, Cebu diin iyang nidaog og bulawang medalya sa female 13-15 category ug first place sa Cong Red Road Race Girls 13-15 niadtong Hunyo 3.

Karong adlawa mao unta ang final sa tulo ka leg series, apan tungod sa dili maayong panahon sayo ning bulana, gisibog kini ug ang Camotes leg giuswag sa sunod bulan. (Yoyo R. Abayan)

IGIMAX MILAMPOS SA IYANG DEBUT SA DUATHLON

(click to enlarge)

Published in Banat Newspaper on June 2, 2012 Saturday issue
by Yoyo Abayan, Sports Editor

Cebu, Philippines - Halandumon ang unang pag-apil n Luis Miguel 'Igimax" Maximo sa duathlon dihang midaog siya og bronze medal sa second leg sa 2012 Powerade Philippine Duathlon Series dili pa dugay didto sa Daang Hari, Alabang.

Si Igimax, kinsa milumba sa men's 16-19 age-group, misubay sa wala niya masinati nga rota nga nakabalda sa paspas nga pagdagan niya.

Bisan pa'g dili suhito, si Igimax nakahimo gihapon sa pagdaog og bronze human niya gitapos ang lumba sud sa usa ka oras ug 40 minutos.

Ang two-time SAC awardee nga si Igimax naghuna-huna karon nga mosalmot og lain pang duathlon competition lakip na ang final leg sa Philippine Duathlon, Clark Duathlon ug Asia Duathlon Championship nga gikatakda sa nanghinapos nga bahin ning tuiga.

Hinuon, ang road races maoy unang prayoridad ni Igimax sa tanang sporting events nga iyang giapilan. (BANAT SPORTS)

ESPINOSA NIDOMINAR SA 10TH TOUR NI FRANK

(click to enlarge)

Published in Banat News on Jan. 10, 2012 Tuesday issue
by Lemuel P. Maglinte, Staff Writer
Yoyo Abayan, Sports Editor

Ang Sugbuanong seklista nga si Ramon Espinosa maoy midominar sa 2012 Cebu RECYCLE Cycling Series 10th Tour ni Frank sa miaging adlaw sa duha ka managlahing binyu dinhi sa Sugbu.

Si Espinosa nigawas nga overall champion human sa iyang back-to-back nga kadaugan sa class B.

Gisugdan ni Espinosa ang iyang kampanya pinaagi sa pag-angkon ca criterium event niadtong Sabado sa Mandaue city reclamation area, gisundan kini og laing kadaugan sa road race gikan sa Balamban ngadto sa Busay.

Nagsunod ni Espinosa ang teen cycling sensation nga si Luis Miguel "Igimax" Maximo sa Paref-Springdale, samtang mipuwesto sa ikatulo si Jonas Ponseca.

Hinuon, si Igimax naghari sa labing unang junior division sa Tour ni Frank.

Igimax

Gipilde ni Igimax ang pambato sa Manila nga si Miguel Gonzales, samtang laing Cebuano teen cyclist nga si Dexel Chu mi-okupar sa ikatulong dapit.

Sa Raymond Naquinis mipilde ni Joseph Carcueva alang sa titulo sa class C division, samtang si Jerome Beldida mipahiluna sa ikatulo. (Lemuel P. Maglinte)

IGIMAX LABING BATA SA PHL TEAM

(click to enlarge)

Published in Banat News on Jan. 5, 2012 Thursday issue
by Yoyo R. Abayan, Sports Editor

Namunga ang mga paningkamot sa Sugbuanong junior cyclist nga si Luis Miguel "Igimax" Maximo dihang siya nahimong labing bata nga sakop sa Philippine cycling team.

Si Maximo wala malakip sa top three list atol sa final tryout didto sa Tagaytay City sa miaging semana, apan ang iyang overall performance sa national scene ug ang iyang potensiyal sa maong matang sa paugnat sa kusog maoy naghatag kaniya og dalan aron malakip sa nasudnong koponan.

"I did not expect it will come this soon.  I was up against older riders during the trials.  All I wished for was a slot in the national training pool." matud pa sa presidente sa PAREF-Springdale Student Council.

Duha pa lang ka tuig ang nilabay sukad siya mibalhin og hilig gikan sa football ngadto sa cycling, si Igimax mihipos na og daghang dungog sa maong paugnat sa kusog.

Ang dakung kalampusan ni Maximo sa pagpalambo sa iyang abilidad mao sab nag-abli sa pultahan sa mga kompaniya aron mobubo og suporta kaniya sa iyang kampanya sa mga nasyonal nga kompetisyon.

Ang PhilCycling, ang UCI-recognized National Sports Association (NSA) sa cycling dinhi sa nasud ubos sa liderato ni Mayor Abraham Tolentino, mihimo og duha ka nationwide qualifying rounds alang sa National Junior Trials.

Sa Tour of Clark niadtong Nobyembre 26-27 sa miaging tuig didto sa Clark, Pampanga nga magsilbe isip preliminary round sa junior 16-17, si Igimax mipahiluna sa ikaduha nga dapit sa Individual Time Trial (ITT) nga adunay gilay-on nga 10 kilometrs ug ikatulo sa overall sa general classification.

Atol sa final tryout sa Tagaytay, si Maximo nahimutang sa ikaunom sa ITT sa 22 ka aspirants.

Karon nga kabahin na siya sa nasudnong koponan, si Igimax nalakip na karon sa mubong lista aron maapil sa pagsalmot sa Pilipnas sa 2012 Asian Juniors Cycling Championships karong Pebrero 8-18 didto sa Kuala Lumpur, Malaysia.

Gilauman siyang mo-report alang sa training camp didto sa Tagaytay. (Yoyo R. Abayan)

IGIMAX MOSALMUT SA TOUR OF CLARK KARONG WEEKEND

Published in Banat Newspaper on Nov. 23, 2011 Wednesday issue
by Yoyo Abayan, Sports Editor

CEBU, Philippines - Nag-unang junior cyclist sa Sugbu nga si Luis Miguel 'Igimax' Maximo ang mopakita na sab og aksiyon didto sa Luzon pinaagi sa Tour of Clark karong weekend didto sa Clark field sa Pampanga.

Ang 15-anyos nga si Maximo mosalmot og laing multi-stage event.

Ang lumba naglatid sa 10-kilometer individual time trial, 72km road race ug 100km road race sa SCTEX.

Daku og purohan nga mobitbit og daog si Igimax kay nasinati na niya ang lugar sa Clark gumikan kay nakaapil na siya og laing lumba sa maong lugar. (BANAT NEWS)

IGIMAX MISAKMIT OG LAING TITLE

(click to enlarge)

Published in Banat News on September 29, 2011 Thursday issue
by Lemuel Maglinte, Staff Writer
Yoyo Abayan, Sports Editor

Subling gipamatud-an ni Cebuano teen cycling sensation Luis Miguel "Igimax" Maximo nga usa siya sa mga banggiitang junior cyclist sa nasud human siya mikampiyon sa Stage 1 Road Race 90KM sa Tour of Bohol niadtong Sabado.

Ang Sportswriters Association of Cebu (SAC) awardee nga si Igimax naghari sa Junior division human niya gitapos ang lumba sud sa duha ka oras, 53 minutos ug 23 segundos.

Dili sayon ang kadaugan ni Igimax tungod kay gawas sa hanginon nga rota, nakahiagum usab siya og sakit sa tiyan sa adlaw sa lumba.

Daku usab og natabang sa kampanya ni Maximo ang bag-ong bike equipment nga gihatag kaniya sa Fizik & YKK.  "The Fizik saddles is very comfortable to sit on even if you have to ride 90km.  Its like sitting on a sofa."  matud ni Maximo

Gawas ni Maximo, laing Sugbuanong mipakita og maayong labok sa maong lumba mao ang The Freeman columnist nga si JV Araneta, kinsa mipahiluna sa ikawalong dapit sa oras ng 2:27:48. (Lemuel Maglinte). 

IGIMAX NILARGA NA SA SPAIN

Click to enlarge

Published in Banat Newspapers on August 12, 2011 Friday issue
by Lemuel Maglinte, Staff Writer
Yoyo Abayan, Sports Editor

CEBU, Philippines - Ang Cebuano teen cycling sensation nga si Luis Miguel 'Igimax' Maximo milarga na kagahapon paingon sa Spain alang sa usa ka kalihukan.

Ang 16-anyos nga tinun-an sa Paref-Springdale School nga si Maximo, usa sa mga batan-ong delegado sa nasud sa World Youth Day didto sa Madrid, Spain ug may kahigayonan pa siya nga moduol ni Pope Benedict XVI.

Gawas sa World Youth Day, makahigayon sab si Maximo pagsaksi sa Tour of Madrid nga maoy usa sa labing dakung cycling competition didto sa Spain.

Didto iyang obserbahan ang labing moderno nga training program ug cycling equipment lakip na ang pakighimamat sa mga iladong international cyclists sa kalibotan. (BANATSPORTS)

CEBUANO CYCLISTS NANGHAWOD SA 4TH KIA IRONLEGS DIDTO SA BOHOL

click to enlarge

Published in Banat Newspaper on July 26, 2011 Tuesday issue
by Lemuel Maglinte, Staff Writer
Yoyo Abayan, Sports Editor

CEBU, Philippines - Mipatigbabaw ang mga Sugbuanong cyclists sa 4th Kia Ironlegs Cycling Race niadtong weekend didto sa Panglao Island sa Tagbilaran City.

Ang Cebuano cyclists nangharos sa category A ug B sa Individual Time Trial sa usa sa labing dakung cycling race didto sa Bohol.

Ang Hong Kong-based Cebuano architect nga si Francis Lim maoy kampiyon sa category B sa oras nga 20:26.97, gisundan ni Michael Flores sa oras nga 20:41.54.

Mipahiluna sa ikatulo ang Bol-anong si Robert Saniel (20:46.17), samtang laing duha ka Sugbuanon nga sila si Romel Limpangog (20:58.30) ug Tyre Lambo maoy mikompleto sa top five placers.

Sa category C, naghari si Jonathan Simbajon sa oras nga 20:08.00, gisundan sa The Freeman columnist nga si JV Araneta sa oras nga 20:50.00 ug Paul John So (20:54.25) alang sa ikaduha ug ikatulo nga dapit.

Ang taga-Manila nga si Emmanuel Tiples (20:57.17) ug Australian nga si Brett Harrington (21:08.54) mi-okupar sa ikaupat ug ikalimang dapit.

Ang Sugbuanong teen cycling sensation nga si Luis Miguel 'Igimax' Maximo mikapyot sa ikaunom sa oras nga 21:41.24. - (THE FREEMAN)

ECHAVEZ REYNA SA CEBU LEG SPEEDO TRIATHLON SERIES

Published in Banat News on April 5, 2011 Tuesday issue
by Lemuel Maglinte, Staff Writer
Yoyo Abayan, Sports Editor

CEBU, Philippines - Garbo sa Sugbu nga si Lorhiz Echavez mihipos og sunod-sunod nga daog human manghawod sa Cebu leg sa 2011 SPEEDO National Age group triathlon series niadtong Domingo sa Plantation Bay Resort and Spa.

Human sa malampuson niyang kampanya didto sa Davao, si Echavez mirehistro na usab og laing impresibong kadaugan pinaagi sa pagsakmit og titulo sa female 20-29 class.

Gitapos ni Echavez ang lumba sud sa duha ka oras, 19 minutos ug 41 segundos batok ni Ylang-Ylang Jordan sa oras nga 2:51.52, samtang si Archie Jane Margen milublob sa ikatulo sa oras nga 2:51.57.

Lain pang nidaog mao sila si Tricia Chiongbian-Concepcion sa 30-39 category, Merly Colmeras sa 40-above class ug Samantha Frances Tiro sa 16-under class.

Sa pikas bahin, si Ralph Arce maoy naghari sa 25-29 men’s category dihang iyang gipilde ang kanhi kampiyon Gerie Calinawa ug ang top swimmer Franz Baguio nga mipahiluna sa ikaduha ug ikatulo nga dapit.

Si Elmo Clarabal maoy misakmit sa titulo sa 30-34 class, samtang ang kanhi RP Ironman nga si Noy Jopson nalandig sa ikatulo sa 35-39 category.

Ang koponan nilang swimmer Loren Dale Echavez, cyclist Niño Surban ug Michael Estrera mao ang mipatigbabaw sa relay event. Mipatong sa ikaduha mao ang komposisyon nilang Igi Maximo, Alex Qui ug Jose Lao III, gisundan sa team nilang Kristian Graciano, Marben Golez ug Daryl Igot alang sa ikatulo. - BANAT NEWS

2011 SPEEDO TRIATHLON MOSIKAD KARON

Published in Banat News on April 3, 2011 Sunday issue
by Lemuel Maglinte, Staff Writer
Yoyo Abayan, Sports Editor

CEBU, Philippines - Mopakita na sa ilang abilidad ang 200 triathletes alang sa Cebu leg sa 2011 SPEEDO National Age-group Triathlon Series karong adlawa didto sa Plantation Bay Resort and Spa.

Ang triathletes, kinsa napakyas pagparehistro sa deadline niadtong Biyernes, dawaton pa gihapon karon apan magbayad sila og penalty ug dili na makakuha og event t-shirt gikan sa event's presentor, Speedo.

Sila si Lorhiz Echavez ug Nonoy Jopson maoy mga pambato sa Sugbu alang sa maong kompetisyon.

Mosalmot usab ang mga triathlon enthusiasts nga sila si Senator Pia Cayetano ug Ironman ug Xterra franchise holder Fred Uytengsu.

Giatngan sab ang pagsalmot nilang Wayne Mcdougall sa Vancouver, Hiroshi Takei sa Chiba, Japan ug duha ka 61-anyos nga sila Pio Salvador sa Dumaguete ug Nigel Short sa Surigao City.

Gawas nila ni Salvador ug Short, may 20 ka triathletes gikan sa Bacolod, 10 gikan sa Manila ug laing tulo gikan sa Cagayan de Oro.

Isip usa ka age-group triathlon, mobida usab ang mga batan-on sama ni junior teen cycling sensation Luis Miguel 'Igi' Maximo, swimmer Romylin Nina Ignacio, Sixto Abeth Llanto ug Steven Carl Tan sa Talisay City. (BANATSPORTS)

PNM M'BIKE CHALLENGE BANATAN NA

Click to enlarge

Published in Banat Newspaper on March 20, 2011 Sunday issue
by Lemuel Maglinte, Staff Writer
Yoyo Abayan, Sports Editor

CEBU, Philippines - Magsikaray na ang mga banggiitang mountainbikers dinhi sa Sugbu sa pagsikad sa Paglaum Ni Magsaysay (PNM) Mountainbike Challenge karong buntag gikan sa Balamban town hall paingon ngadto sa Mt. Manunggal.

Subayon sa mga siklista ang tungason nga rota sa Transcentral Highway paingon ngadto sa Mt. Manunggal, ang lugar diin nahagsa ang eroplano nga gisakyan ni anhing presidente Ramon Magsaysay niadtong Marso 17, 1957.

Mga kategoriya nga tigian mao ang beginners, juniors, seniors, executive, veterans, masters ug expert class.

Lakip sa mga notadong seklista mao ang Cebu top mountainbiker nga si Niño Surban ug junior cycling sensation Luis Miguel 'Igi' Maximo.

Ganting salapi ug plake ang madawat sa mga mananaog sa matag kategoriya. (BANATSPORTS)

IGIMAX NASULOD SA TOP 10 SA TOUR OF CLARK

Published in Banat Newspaper on March 17, 2011 Thursday issue
by Lemuel Maglinte, Staff Writer
Yoyo Abayan, Sports Editor

CEBU, Philippines - Bugtong pambato sa Sugbu nga si Luis 'Igi' Maximo mipahiluna sa ikaunom nga dapit sa 42K Criterium Race sa Tour of Clark sa miaging adlaw didto sa Clark Economic Zone sa Pampanga.

Ang 15-anyos nga si Igi, tinun-an sa PAREF-Springdale School maisugong nakigginukdanay batok sa mga elite 18-Under cyclists sa tibuok Pilipinas aron malusot sa top 10 finishers.

Si Igimax mitapos sa tungason nga rota sa oras nga 1:22.09, nagsunod sa kampiyon nga si Emil Tagara sa Nueva Ecija sa oras nga 1:15.26.

Ang Manila riders nga sila si Miguel Gonzales (1:16.00) ug Kenneth Balunsay (1:16.18) maoy mi-okupar sa ikaduha ug ikatulo nga dapit, samtang si John Rili (1:19.48) sa Batangas ug Allen Santiago (1:19.49) mao ang mikompleto sa top five finishers sa 18-Under category.

Alang ni Igimax, usa na kini ka dakung kalampusan tungod kay wala siya'y saktong ensayo kay daghan pa kining giasikaso sa tunghaan.

Ang SAC awardee ug three-time Phil Premiere Cycling League champ nga si Igimax gisuportahan sa YKK Trading, Maximax Air-conditioning ug PAREF-Springdale School. - BANAT NEWS

IGIMAX SALMUT SA TOUR OF CLARK

Click to enlarge

Published in Banat Newspaper on March 13, 2011 Sunday issue
by Lemuel P. Maglinte, Staff Writer
Yoyo Abayan, Sports Editor

CEBU, Philippines - Laing hagit ang atubangon sa Sugbuanong cycling teen sensation Luis Miguel “Igi” Maximo sa iyang pagsalmot sa Tour ni Clark karon didto sa Clark Economic Zone sa Clark, Pampanga.

Ang SAC awardee ug 3-time Philippine Premiere Cycling League junior cyclist champion nga si Maximo musalmot sa Criterium Race 42km ug Road Race 71.1km.

Dili sayun ang misyon ni Maximo tungod kay makiglumba siya sa mga top cyclist sa nasud nga maguwang pa og duha ngadto sa tulo ka tuig kaniya. Lakip niini ang mga elite junior racers ug triathletes sa Manila .

Gawas pa niini, miangkon usab ang Team Maximo nga kuwang sa ensayo ang batan-ong siklista tungod kay una niining giatiman ang iyang pagtungha didto sa Springdale School .

Bisan pa niini, masaligon ang Team Maximo nga mulusot sa top five si Igimax nga muhatag og laing dungog sa Sugbu.

Sama sa gihapon si Igimax mugamit sa racing bike sa iyang sponsor nga YKK Trading ni James Montecillo. Gisuportahan usab siya sa OZ Racing ug Maximax Air Conditioning. - (BANAT NEWS)

LAZER SPONSORS CEBUANO JUNIOR CYCLIST IGIMAX

Click to enlarge

Published in The Freeman Newspaper on Feb. 26, 2011 Saturday issue
Manny Villaruel, Sports Editor

LAZER Bike Helmets (www.lazersport.com), a Belgian helmet manufacturer, has decided to support upcoming Cebuano junior cyclist Luis Miguel “Igi” Maximo (www.pabolfc.com) by sponsoring and providing his bike helmets for cycling training and races.

Through, its Philippine distributor, Cebu-based YKK Trading owned by James Montecillo, Igi Maximo will now be using the LAZER road and time trial helmets for his road races and time trial events.

Established in 1919, LAZER, with headquarters in Belgium, designs, manufactures and markets its bicycle, motorcycle and leisure helmets In more than 50 countries, over 5 continents.

LAZER, the world’s oldest helmet manufacturer still in activity, is the result of over 90 years of experience, passion and dedication. The objective has always been to find an excellent synergy between, design, comfort, safety and technology.

“I am very happy that a company in Europe has supported me. Top of the line cycling equipment is expensive and what LAZER has provided will be of great help in my sport” said Igimax, the 3-time Junior champion of Philippine Premiere Cycling League.

“This is part of the grassroots development program of YKK Trading where we support young, upcoming juniors cyclists in the local community who shows potential both in the sport as well as in their studies” said James Montecillo, the top honcho of YKK.

SAC awardee Igimax will test the road helmet in time for tomorrow’s Cebu Cycling Criterium Road Race, a 36km 15 laps race in Mandaue reclamation. Last February 5, Igi won 3rd Place – Men Open Category C in the Sinulog Criterium held in the same venue.

In the Dayo Bros Triathlon held last Saturday, Igimax, using a racing bike fitted with Token carbon wheelset and Kenda tires, won the Gold Medal in the Relay Category with his Springdale teammates Alex Qui and RJ Lao.

On Sunday, Feb 27, Igimax will shift to mountainbike racing and gain more exposure in Off Road events by joining the V12 Radgear MTB Race in Labangon, Cebu City.