by Lemuel Maglinte, Staff Member
Yoyo Abayan, Sports Editor
CEBU, Philippines - Mosalmot na usab ang teen cycling sensation sa Sugbu nga si Luis Miguel 'Igi' Maximo og laing dakung cycling competition sa nasud, ang Philippine Premiere Cycling League (PPCL) karong adlawa didto sa Daan Hari sa Muntinlupa City, Manila.
Ang 15-anyos nga si Igimax, ang defending three-time PPCL junior champion laraw nga morehistro sa labing paspas niya nga oras sa Individual Time Trial (ITT) event batok sa mga dekalibreng cyclists ug triathletes sa Luzon.
Si IgiMax mobanat sa junior category sa ITT nga adunay gilay-on nga 12 kilometro gikan sa Muntinlupa ngadto sa Cavite, ang rota nga gigamit sa "Tour ng Pilipinas."
"Ang akong bike dili haom sa road racing. Mahal gud ang time trial bikes. Pero naglaum ko nga someday, makakuha ko og sponsor aron magamit nako og ITT bike nga mas mo-improve sa akong race results," matud pa ni Maximo.
Bisan pa niini, si Igimax, 3rd year high school sa Paref-Springdale School maninguha gihapon modaog aron kahatagan niya og dungog ang Sugbu. (BANATSPORTS)
No comments:
Post a Comment