Saturday, February 19, 2011

IGIMAX MOSALMOT SA DAYAO BROS TRIATHLON

Published in Banta News on February 19, 2011 Saturday issue
by Lemuel Maglinte, Staff Writer
Yoyo Abayan, Sports Editor


CEBU, Philippines - Gikanselar ni three-time Junior Phil Premiere Cycling League champion Luis Miguel 'Igi' Maximo ang pagsalmot niya sa Bike King Road Race 80km didto sa Subic aron motambong sa tinuig nga Sportswriters Association of Cebu-San Miguel Brewery (SAC-SMB) Cebu Sports Award karong hapon diha sa Ayala Activity Center.

Apan ang teen cycling sensation nga si Igimax mopakita'g aksiyon sa Dayao Bros Triathlon Relay karong buntaga didto sa lungsod sa Catmon.

Si Igi Max uban sa iyang mga teammates sa Paref Springdale School nga sila si Alex Qui ug Jose Lao, mosalmot sa relay category diin taakon nila ang 750 meter swim, 20km bike ug 5km run.

Dili kini ang unang higayon nga miduwa og relay triathlon si Igi Max kay niadtong Enero sa miaging tuig, gisakmit ni Maximo ang third place trophy sa Danao Triathlon Relay Open Category uban ni multi-awarded runner Mendel Lopez. Sila usab ang second placer sa Naga Val 2020 Triathlon Relay Open Category. (BANATSPORTS)

No comments: