Saturday, September 11, 2010

DBTC SUGOD NA'S ILANG TITLE DEFENSE

Published in Banat News on Sept. 11, 2010 Saturday issue
by Yoyo R. Abayan, Sports Editor


CEBU, Philippines - Sugdan na sa defending secondary champion Don Bosco Technology Center (DBTC) ang ilang kampanya alang sa ilang ikalimang sunod-sunod nga titulo sa Cebu Schools Athletic Foundation Inc. (CESAFI) football tournament karong hapon diha sa University of San Carlos-Technology Campus sa Talamban.

Sangkaon sa DBTC ang USC, kinsa napilde sa ilang unang duwa batok sa University of San Jose-Recoletos (USJ-R) sa miaging semana.

Sa ilang bahin, ang USJ-R, tinguha sa kaduha nilang daog sa dihang ilang banggaon ang University of Southern Philippines Foundation (USPF).

Dili hinuon sayon ang tahas nga sagubangon sa USJ-R gumikan kay gipangandaman na sa USPF ang ilang duwa karong adlawa aron makabangon human masukamod sa miaging semana.

Sa tertiary division, ang USC makigsangka batok sa University of the Visayas (UV), samtang sa main game, ang defending champion USJ-R makigbatok sa USPF.

Ang UV laraw sab nga mobangon human sa ilang kapildihan batok sa University of Cebu (UC) sa miaging semana. – BANAT NEWS

1 comment:

sugod said...

Hello Po. Taga.aha man ka?